Pākadarpaṇa 1

% Mahārājanalaviracitam
% Pākadarpaṇam

% \B = "Pâkadarpanam by Mahârâja Nala",
% Kashi Sanskrit Series no. 1, pākavibhāge saṃkhā 1,
% ed. Vâmâcharana Bhattâchârya, Benares 1915
% \C = "Pākadarpaṇam of Mahārāja Nala",
% ed. Vāmācaraṇa Bhaṭṭācārya with the Mādhurī Hindi Commentary by Indradeva Tripāṭhī,
% Varanasi, vi. saṃ. 2040.
[[Seems to be a reprint with some erroneous emendations]]

ekākī naiṣadhaḥ prāpya & kadācit kalināśanaḥ |
ṛtuparṇasya nagarīṃ & rājānam idam abravīt ||1||
svadeśaṃ hi parityajya & bāhukākhyo 'ham āgataḥ |
aśvānāṃ vāhane rājan & pṛthivyāṃ nāsti matsamaḥ ||2||
arthajñānasya caivāhaṃ & draṣṭavyo naipuṇena ca |
annasaṃskāram api ca & jānāmi piśitasya ca ||3||

% pañcavidhabhojanasya bhedāḥ, classification of the five kinds of food
% 1) bhakṣya, 2) bhojya, 3) lehya, 4) coṣya, 5) peya
% \cf Suśrutasaṃhitā 6.65.40 lists four kinds of food: caturvidhaṃ cānnam upadiśyate bhakṣyaṃ bhojyaṃ lehyaṃ peyam iti
% \cf Bhagavadgītā 15.14d: pacāmy annaṃ caturvidham ||
% \cf Harivaṃśa 60.12ab: bhakṣyaṃ bhojyaṃ ca peyaṃ ca tat sarvam upanīyatām |
% \cf Mahābhārata 1.119.043d@073_0010 bhakṣyaṃ bhojyaṃ ca peyaṃ ca coṣyaṃ lehyaṃ tathaiva ca
% \cf Mahābhārata Śāntiparvan 12.184.16A: api cātra mālyābharaṇavastrābhyaṅgagandhopabhoganṛttagītavāditra- śrutisukhanayanābhirāmasaṃdarśanānāṃ prāptir bhakṣyabhojyapeyalehyacoṣyāṇām abhyavahāryāṇāṃ vividhānām upabhogaḥ svadāravihārasaṃtoṣaḥ kāmasukhāvāptir iti
% \cf Mahābhārata Śāntiparvan 12.158.11ab: bhakṣyaṃ bhojyam atho lehyaṃ yac cānyat sādhu bhojanam
% \cf Mahābhārat Indices, (after 1.119.30ab, K4 N B D ins. (cf. No. 73 below): 01_071_0001 bhakṣyaṃ bhojyaṃ ca peyaṃ ca coṣyaṃ lehyam athāpi ca
% \cf Rāmāyaṇa 2.044.015a bhakṣyaṃ bhojyaṃ ca peyaṃ ca lehyaṃ cedam upasthitam(NB: in light of the following, consider emending the weak cedam to coṣyam)
% \cf Rāmāyaṇa 2.085.017c bhakṣyaṃ bhojyaṃ ca coṣyaṃ ca lehyaṃ ca vividhaṃ bahu

bhakṣyaṃ bhojyaṃ tathā lehyaṃ & coṣyaṃ peyaṃ payogatam |
bhedaṃ rasānāṃ ṣaṇṇāṃ ca & śuddhasaṃskārabhedataḥ ||4||
sarveṣāṃ vyañjanānāṃ ca & saṃskāraṃ lavaṇādibhiḥ |
ebhir vinā ca toyaiś ca & citrapākaṃ rasāvaham ||5||
yāni śilpāni loke 'smin & yac cānyad api durlabham |
mayā kṛtarasaḥ kiṃ ca & sudhātubhyaś ca durlabhaḥ ||6||

% diseases that are avoided

bhujyate yena yatnena & tasyārogyaṃ bhaved dhruvam |
vātajaṃ pittajaṃ rogaṃ & śleṣmajaṃ hanti sarvadā |
sakṛnniṣevaṇenaiva & tripuraṃ tryambako yathā ||7||
ajīrṇadoṣād utpannaṃ & jvaraṃ māheśvarādikam |
hṛdrogaṃ rājayakṣmādi- & -rogaṃ śūlādikaṃ tathā||8
bhagandarātisāraṃ ca & saṃnipātādikaṃ tathā |
ityevamādikam sarvaṃ% \var{ityevamādikam\lem \B, ittham evādikaṃ \C} & rogajālaṃ nihanti saḥ ||9||
sarvaṃ yatiṣye tat kartum & ṛtuparṇa bharasva mām |
ity uktvā vasatīṃ cakra% \var{cakra\lem \em, cakre \B\C} & ṛtuparṇasya veśmani ||10

% origin of pākaśāstra

taṃ kadā cit samāhūya & sa rājā rājasattamaḥ |
etāḥ kalāḥ kuto labdhās & tvam asmākaṃ vada priyam ||11||
śrutvā tadvacanaṃ sādhus & tad vaktum upacakrame |
śṛṇu rājendra vidyāyā & nidānaṃ mama tattvataḥ ||12||
svayaṃvarārthaṃ vaidarbhyāḥ & samāyātāḥ sureśvarāḥ |
aham apy āgatas tatra & dṛṣṭyā dṛṣṭaś ca taiḥ pathi ||13||
mām ūcus tatra vai devā & vañcanārtham idaṃ vacaḥ |
asmān va puruṣavyāghra & yathā bhaimī variṣyati ||14|
tathā kuru batety ukte & svasti te 'stv iti cābruvan |
dūtarūpaṃ samābhṛtya & māmakārthī yathārthataḥ |
te naiṣadhaṃ samālokya & varān dadur anuttamān ||15

% Indrādilokapālapradattavaranirūpaṇam
% the boons given to Nala by the gods

adṛśyasiddhiṃ prathamam & indras tuṣṭo ‘dadāt svayam |
tato havvirbhujaḥ prādād & agnisiddhiṃ nirindhanīm ||16
tato ‘nnarasasiddhiś ca & sūryaputraś ca laukikim |
varuṇo jalasiddhiṃ ca & vinā yatnena sattama ||17
iti vidyāḥ surā te tu & dattvā nijapadaṃ yayuḥ |
iti tasya vacaḥ śrutvā & rājā ta[ṃ] vismito ‘vadat ||18
iyaṃ tv alaukikī vidyā & tvadgatā naradurlabhā |
ato narahitārthāya & nidarśanamukhena tām ||19
darśanaṃ kuru tattvena & dṛṣṭeḥ kautūhalaṃ hi naḥ |
ity uktavati rājendre & naiṣadhaḥ punar abravīt ||20

% nalena svanirmitagranthaviṣayavarṇanam
% the purpose and nature of the work

asminn arthe mayākāri & grantho lokahitāya ca |
lokapālaprasādena & pākadarpaṇanāmataḥ ||21 %title of work: Pākadarpaṇa
tasyāvalokanenaiva & dṛśyante vividhāḥ kriyāḥ |
sūdasya lakṣaṇam tāvad & vakṣye saṃkṣepataḥ prabho ||22

% sūdasya lakṣaṇam
% the cook

svadeśasaṃbhavo prājñaḥ & sarvalakṣaṇalakṣitaḥ |
sadācārasamāyukto & viśiṣṭakulasaṃbhavaḥ ||23
śānto dānto dānaśīlo & rājapūjyo śucismitaḥ |
svadāranirataḥ śuddhaḥ & paradāravivarjitaḥ ||24
mitabhāṣī sadā dātā & dayāluś ca subhāṣitaḥ |
dhātujño deśakālajño & vayovasthādivid budhaḥ ||25

% pariveśakasya lakṣaṇaṃ vidhiś ca
% the waiter

prakṣālya caraṇau hastau & kṛtaśaucavidhis tadā |
saṃpūrṇakāmo niṣṭhātmā & rājabhojanakālavit ||26
rājñaś cāvasaraṃ jñātvā & pākādīṃś ca pradāpayet |
yadā pathyaṃ bhaved rājñaḥ & krameṇa prakṣipec ca tān ||27

% granthasyopakramaṇikā
% table of contents

odanasya prabhedo ‘tra & prathamaṃ kathyate mayā |
dvitīyaṃ sūpabhedaś ca & sarpiṣaś ca tṛtīyakam ||28
vyañjanasya ca bhedaś ca & caturthaḥ saprapañcakaḥ | % \em, sa prapañcakaḥ \B pañcamo māṃsaśāko ‘tra & saprabhedaś ca kathyate ||29
ṣaṣṭo ‘tra bhakṣyabhedaś ca & saptamaḥ pāyasasya ca |
rasāyanaś cāṣṭamo ‘tra & navamaḥ pānabhedataḥ ||30
daśamaṃ yūṣabhedaś ca & ghṛtādyannaprabhedakaḥ |
ekādaśaś ca lehyasya & bhedo dvādaśakas tathā ||31
trayodaśaṃ tu pānīyaṃ & kṣīrabhedaś caturdaśaḥ |
dadhibhedaḥ pañcadaśaḥ & ṣoḍaśaḥ takrabhedakaḥ ||32
ṣoḍaśo mukhyabhedaś ca & dṛṣṭāntena pradarśitaḥ |
mṛgyo ‘vāntarabhedaś ca & tatra tatra mahaddhiyā ||33
tatra tatra yathāyogyo & vādas tu kathito mayā |
pānīyanāmadeśe hi & pānīyasya samudbhavaḥ ||34
punaś citraṃ ca kathitaṃ & pāyasaṃ cāmlasaṃbhavam |
evamādīni citrāṇi & kāryāṇi vividhāni ca ||35
pākotthitāny apākāni & kartavyāni manīṣibhiḥ |
kim atra bahunoktena & yuktaṃ caikaṃ śṛṇu prabho ||36
yasmin kāle deśakāle & dayābhāvo hi bhūmipa |
tathā tasminu upāyena & kathitas tasya samṃbhavaḥ ||37

% annasya prāśastyanirūpaṇam
% praise of food

sarveṣāṃ prāṇināṃ prāṇam & annaṃ prathamam ucyate |
brahmarūpam idaṃ samyak & triṣaṣṭirasarūpakam ||38
doṣāṣṭakena rahitam & āhared annam uttamam |

% annagatadoṣāṇāṃ vivecanam

doṣasvarūpam ajñātvā & tadrāhityaṃ kathaṃ labhet ||39
anindyatvād adoṣatvād & doṣo nāsti tadāśrayaḥ |
ato ‘ṣṭarūpo doṣo hi & nāsty atra śrutimānataḥ ||40

% anne ‘ṣṭadoṣasaṃbhavanirūpaṇam
% the eight defects: 1) asṛta, 2) picchila, 3) aśuci, 4) kvathita, 5) śuṣka, 6) dagdha, 7) virūpa, 8) anṛtuja

vidyate hy aṣṭadoṣo hi & pratyakṣeṇa pramādataḥ |
ke te doṣāḥ sadāviṣṭāḥ & pratyakṣeṇa balīyasā ||41
iti praśnakṛte j[ñ]ātum & uttaraṃ jyeṣṭhamānataḥ |
ye te tadāśritā doṣā & asṛtaḥ picchilo ‘śuciḥ ||42
kvathitaḥ śuṣkato dagdho & virūpo nartujas tathā |
svarūpalakṣaṇaṃ caiṣāṃ & kathyate kramaśo guṇam ||43

% annagatadoṣavicārasya prayojananirūpaṇam

kiṃ tasya hāsarūpasya & vicārasya prayojanam |
payastvāt tyajyate sadbhir & dravatve tu viśāradaiḥ ||44
idaṃ sadoṣaṃ nirdoṣam & idaṃ ceti vivekitum |
vikārārthaṃ na doṣeṇa & yuktadravyaṃ prayatnataḥ ||45
kiṃ tv aduṣṭavaśaṃkartur & etad eva prayojanam |
annasya nāsti vā doṣā & na bhavanti kadācana ||46
te tasya saṃbhavanty eva & pācakasya pramādataḥ |
krameṇa vakṣye doṣāṇām & aṣṭāṇāṃ lakṣaṇaṃ guṇam ||47

% 1) asṛtānnalakṣaṇaṃ doṣāś ca

aśrāvitayavāguṃ yad & annam asṛtam ucyate |
tad annaṃ yena bhuktaṃ cet & tasya vyādhikaraṃ bhavet ||48

% 2) paicchilānnasya lakṣaṇaṃ doṣāś ca

annam āśrayate jīrṇam & atipākena paicchilam |
tad bhaktaṃ bhujyate yena & taṃ tyajed audaro ‘nalaḥ ||49

% 3) aśucyannasya lakṣaṇaṃ doṣāś ca

kṛmikeśādisaṃyuktaṃ & yad annam aśuci smṛtam |
tadbhakṣaṇād arucīrasanā sravate jalam ||50 %metrical problem, yatibhraṣṭa